TË (KEQ)KUPTUARIT E UNESCO-SË

Xhevat Bislimi

UNESCO, siç dihet nga të gjithë dhe këtu nis keqkuptimi, është agjenci e specializuar e sistemit të OKB-së për edukim, shkencë dhe kulturë. Ajo (UNESCO) është krijuar para me shumë se gjysmë shekulli. Misioni parësor (themelor) i UNESCO-së është ndihmesa për ruajtjen e paqesë dhe të sigurisë në botë duke nxitur përmes edukimit, shkencës, kulturës e komunikimit bashkëpunimin midis kombëve. UNESCO angazhohet që të garantohet respektimi i të drejtë...s, i ligjit, i lirive dhe të drejtave themelore që u njihen të gjithë popujve pa dallim race, gjinie, gjuhe dhe besimi (religjioni). Pra, UNESCO nuk është organizatë-agjenci e specializuar vetem për mbrojtjën e trashëgimisë kulturore e historike, siç shpjegohet nga politikanët tanë dhe siç "promovohet" nga mediet në Prishtinë. Qellim themelor i UNESCO-së është promovimi i kulturës paqësore dhe demokratike (jo të dhunëshme) edhe përmes rrjetit të shkollave që ka ngritur kjo organizatë anembanë botës (mbi 6 000 shkolla, në mbi 165 vende të botës). 

Fushata neofashiste e Beogradit zyrtar dhe e nikoliçve të Serbisë është në kundërshtim të plotë me parimet dhe qëllimet fundamentale të UNESCO-se dhe angazhimëve të saj. Trashëgimia kulturore, kultura pergjithësisht, shkenca, arsimi-edukimi, sipas UNESCO-së duhet të vihen në shërbim të paqësë, respektit, barazisë, mirëkuptimit, bashkëpunimit dhe pajtimit midis kombëve, racave, popujve, religjionëve e gjuhëve të ndryshme të kësaj bote-shoqërie njerëzore... Beogradi zyrtar, Qeveria e Serbisë dhe institucionet e saj shtetërore po propagandojnë, po përhapin dhe po nxisin hapur dhe anekënd botës urrejtje, dhunë dhe konflikt ndaj kulturës, gjuhës, popullit dhe historisë më të vjetër në Evropë, ndaj shqiptarëve. A thua bota do ta miratojë këtë propagandë neofashiste të Sërbisë duke mos e pranuar republikën e Kosovës në UNESCO?! Nuk ma ha mendja që bota do t'i shkele parimet dhe vlerat mbi të cilat është themeluar UNESCO për hatrin e ideve dhe politikave neofashiste të Serbisë...

 Trashëgimia kulturore dhe historike në tokat shqiptare-në Shqipëri, edhe kjo në Kosovë, nuk është as serbe dhe as turke, por është shqiptare dhe i takon shqiptarëve e pastaj mbarë njerëzimit... Kjo është e vërteta dhe argumenti që duhet ta përdorin fort zyrtarët tanë sharlatanë në "tavolinat" e botës, por edhe në "tavolinat" e Serbisë e të Turqisë, të cilatë janë përgjegjëse për rrënimin, cungimin, uzurpimin dhe përvetësimin e trashëgimisë kulturore-historike dhe të pjesës më të madhe të tokës sonë...